شروط التسجيل .. (القوانين)

التسجيل بساحتنا مجاني ! ماناخذ عليك حتى 25 هلله , دام انه مجاني التزم بالشروط اللي بنسدحها الله يرضى عليك , اللي يبي يسجل معنا لازم يوافق على شروطنا ويكون مسؤول عن أي شي يكتبه ولا مهوب ملزوم يسجل وهالشي راجع له وبكيفه :

واحد : اداري ومشرفي منتديآتـ ملحـوس فوق ماهم يحاولون يشوتون المخالفين ما يقدرون يستعرضون كل المشاركات وكل المواضيع تعبر عن وجهة نظر كاتبها ولا يتحمل أي من ادارة منتديآتـ ملحـوس أي مسؤلية عن محتوى المشاركات .

اثنين : اهم شي الاخلاق وحب الوطن لا يجيني احد يتفلسف بالسياسة ترا ان شفنا حاله زايد واحد من الادارة بيرفع ثوبه وشلوتي يحبه قلبه .

ثلاثه : الدين عاد مانبي نشيل ذنوب لا يجينا واحد يتفلسف بالدين ابعدوا عن الثوابت والطوائف والرموز و الجدل اللي ماينفع اذا يبي يتفلسف في الف ساحة غير ساحتنا يتفلسف فيها ثم يجي عندنا ويوسع صدره .

اربعه : الاسماء لا اشوف احد مسمي اسامي تش اح (اباحيه) ترا بدون تفاهم بنمسكه مع شوشته وبنربطه ونعلقه عند باب الزوار لجل يكون عبره .

خمسه : مسموح الحش بكافة انواعه وترا اللي بيزعل من الحش حنا بنستلمه حش لأن الزعل عندنا مرفوووض اما اللي يسب والسب هنا غير الحش البرئ ( السب يعني الألفاظ البذيئه ) ترانا بنكفخه .

سته : مسموح التسجيل بأسامي المحشات كلها ما عدا المخله بالاداب العامه والأسماء اللي فيها اسم عوايل او قبايل يعني اعقلوا , ترا مناب ناقصين ذب يجي بعده شي في النفوس .

سبعه : اذا قريت الشروط كلها ووافقت عليها ونويت تسجل اختار لك اسم رايق وتحت في مربع حط عليه صح وكمل التسجيل .